Сёння ў музеі прайшла прэзентацыя кнігі протаіерэя Георгія Роя «Накрышкі. Летапіс Барыса-Глебскай царквы і краю». На прэзентацыі прысутнічалі вучні гімназіі №1, краязнаўцы Дзятлаўшчыны, прадстаўнікі сектара спорту і турызму Дзятлаўскага райвыканкама, жыхары накрышскага прыходу, настаўнікі дзятлаўскіх школ. Цікавы і пазнавальны аповяд Георгія Роя пра стварэнне кнігі захапіў усіх прысутных. Было шмат пытанняў да аўтара, які дасканала валодае матэрыялам, што даследаваў больш за 15 гадоў. Сустрэча была вельмі шчырай і цёплай.