Нягледзячы на свае зменлівасць і капрызы, снежань усё ж такі ўспомніў, што ён, як-ніяк, зімовы месяц.
Наш горад і яго наваколле зацерушыла чарговым доўгачаканым снегам. Многія дзеці, хто з дарослымі, а хто і без іх, шчыра радуючыся прыходу сапраўднай зімы, хутка абступяць бліжэйшы схіл і будуць катацца на сучасных надзіманых санках, так званых цюбінгах. Не варта забываць, што гэта снежная забава можа прывесці да траўмаў. Каб пракаціцца з ветрыкам і ў поўнай меры атрымаць асалоду ад шчодрасці зімы на снег і мароз, неабходна прытрымлівацца наступных правілаў бяспекі, за выкананнем якіх трэба сачыць дарослым і даходліва растлумачыць іх сваім дзецям:
катацца можна толькі на спецыяльна падрыхтаваных трасах са снежнай паверхняй;
ухіл для спуску павінен быць не больш за 20 градусаў;
не варта катацца па схілах, парослых дрэвамі, таксама з горак з трамплінамі, бо пры прызямленні цюбінг можа моцна спружыніць;
трэба строга выконваць дыстанцыю паміж спускамі, пачынаць рух зверху толькі тады, калі папярэдні скончыў з’езд;
на санках-ватрушках варта спускацца седзячы, не спрабуйце стоячы ці скачучы, як на батуце;
унізе павінна быць даволі месца для тармажэння;
нельга катацца на адным цюбінгу разам з дзецьмі: у такім выпадку складана кантраляваць сітуацыю;
ніколі не прывязвайце надзіманыя санкі да транспартных сродкаў.
Вадзім ФІЛІПОЎСКІ