28 верасня ў 11 гадзін на стадыёне “Колас” у Дзятлаве адбудзецца марафон па скандынаўскай хадзьбе для людзей старэйшага пакалення, далучыцца да якога запрашаюць наведвальнікаў установаў сацыяльнага абслугоўвання, ветэранаў фізкультуры і спорту, сярэбраных валанцёраў і іншых жадаючых.
Цэнтралізаваны старт рэспубліканскага спартыўнага свята будзе аб’яўлены ў Баранавіцкім раёне Брэсцкай вобласці ў рамках мерапрыемства “Час новых перамогаў”, прымеркаванага да Дня пажылых людзей. Паралельна ў сваіх рэгіёнах да яго далучацца жадаючыя з усіх раёнаў рэспублікі.